Комисијата за хартии од вредност на Република Северна Македонија донесе Решение
со кое на правното лице “НЛБ Склади” доо, друштво за управување со средства со седиште во
Љубљана, Словенија му се дава согласност да се стекне со квалификувано учество над 50%,
односно да се стекне со 100% од вкупно издадените акции од Друштвото за управување со
отворени и затворени инвестициски фондови “Генерали Инвестментс” АД Скопје.
Трансакцијата за стекнување на акциите треба да се изврши во рок од 90 календарски дена од
денот на добивање на согласноста од Комисијата. Во моментот на поднесување на барањето “НЛБ
Склади” доо, друштво за управување со средства Љубљана, Словенија, кое е во целосна
сопственост на “Нова Љубљанска Банка” дд Љубљана, не поседува акции во Друштвото за
управување “Генерали Инвестментс” АД Скопје. “НЛБ Склади” доо, друштво за управување со
средства Љубљана, Словенија во својата стратегија за инвестирање и управување ги елаборира
идните активности за друштвото кое го презема, како што се производите кои ќе се нудат,
каналите на дистрибуција, политиката на вработување, финансиските проекции, промена на
брендот и на корпоративно управување, како и стратегија на регионално проширување во рамки
на групацијата.