За нас

За Друштвото

НЛБ Фондови АД Скопје е основан на ден 31.01.2008 година под името КД Фондови АД Скопје. Основната дејност е управувањето со средства, односно остварувањето на финансиски приноси во зависност од структурата на управуваните портфолија. Во февруари 2019 година, Друштвото КД Фондови АД Скопје се приклучи кон Групацијата Generali. Во Јуни 2024 Генерали Инвестментс АД Скопје е превземенo од страна на НЛБ Групацијата и во овие рамки ја продолжува својата долга традиција на обезбедување на професионални услуги за управување со средства со нов корпоративен идентитет.

Дрштвото има добиено согласност од Комисијата за хартии од вредност на Република Северна Македонија за основање и управување со отворени и затворени инвестициски фондови како и дозвола за работи на управување на средства за сметка на индивидуален клиент – сопственик на портфолио, како и инвестициско советување на клиенти.

Нашите фондови инвестираат во различни инвестициски класи како што се инструменти со фиксен принос, депозити, акции на светските пазари во голем број на различни индустрии. Благодарение на широкиот спектар на инвестициски производи со долгорочен потенцијал што го нудиме, инвеститорите можат да создадат свое портфолио во секое време според нивните финансиски желби и потреби.

Можете да изберете помеѓу безбедни и стабилни инвестиции во паричен фонд, а во исто време да имате корист од повисоко ниво на ликвидност отколку банкарските депозити. Можете да се одлучите на среднорочни и долгорочни заштеди со инвестирање во комбиниран и акциски фондови, почнувајќи од основен глобално диверзифициран фонд до фондови кои се фокусираат на хартии од вредност во специфични региони или сектори.

На инвеститорите им нудиме производи кои што одговараат на нивниот начин на живот и фазите на живот во кои се наоѓаат. Се разликуваме со тоа што нудиме професионално управување со средства и однос со клиентите. Ја одржуваме довербата на инвеститорите преку нашето големо знаење за пазарите, долгогодишното искуство, како и нашата посветеност да ги исполниме нашите заеднички инвестициони цели.

Контакт: [email protected]; +389 2 60 90 300

Контакт за жалби и поплаки: [email protected]

Одговорно лице за жалби и поплаки: Анастасија Џутеска

Поднеси жалба или поплака

Ризици поврзани со работењето на Друштвото	Степен на влијание
Пазарен ризик	Низок
Ликвидосен ризик	Низок
Ризик на друга договорна страна	Низок
Оперативен ризик	Низок

Лична карта на Друштвото

Назив	Друштво за управување со отворени и затворени инвестициски фондови НЛБ Фондови АД Скопје
Скратен назив	НЛБ Фондови АД Скопје
Седиште	Бул. Партизански одреди бр. 14A, влез 1, кат 2/2, Скопје - Центар
Инфо Телефон	+389 2 60 90 300 +389 2 60 90 305
Електронска адреса	[email protected]
Интернет страна	www.nlbfondovi.mk
Датум на основање	31.01.2008
Датум на упис во Централен Регистар	02.06.2008
Број на одобрение за работа	07-726/15 од 19.05.2008 година, издадено од КХВ
Износ на почетниот капитал	150.000 EUR
Акционери	NLB Skladi Druzba za upravljanje D.O.O. Ljubljana – 100%
Матичен број	6364578
Даночен број	4030008031852
Трансакциска сметка	280122101190295 – Силк Роуд Банка АД Скопје
Шифра на дејност	66.30 – Дејности на управување со фондови
Основна главнина	935.740 EUR во денарска противвредност по среден курс на НБРСМ
Депозитарна банка	НЛБ Банка АД Скопје – Бул. Мајка Тереза бр.1, 1000 Скопје Износ на почетен капитал – 854.061.000,00 МКД
Број на одобрение за депозитарната банка	Решение бр. 1849 од 11.03.2008 година, издадено од Народна банка на РСМ
Склучени договори со Субдепозитарни банки:	Nova Ljubljanska banka d.d. –Ljubljana, Slovenia
Трето лице на кои се пренесени работи на управување со инвестициски фонд	НЛБ Банка АД Скопје – продажба и/или откуп на удели во инвестициски фондови и извршување на активности на рекламирање на инвестициските фондови. Унија Смарт Акаунтинг ДОО Скопје – активности на водење на деловни книги и сметки и изготвување на финансиски извештаи од страна на Друштвото БИГУ Академија ДООЕЛ Скопје – пренесување на извршување на активности на воспоставување и одржување на односи со вложувачите
Овластен ревизор	Друштво за ревизија Расел Бедфорд Атанасовски ДООЕЛ Скопје Бул. Кузман Јосифовски Питу бр. 19-4/2, 1000 Скопје
Надзорна институција	Комисија за хартии од вредност на Република Северна Македонија
Член на NLB Групацијата	https://www.nlbgroup.si/nlb-group

Раководство

Лазе Камчев, Главен извршен директор

Роден е на 16.10.1978 година. Дипломирал на Економскиот факултет на Универзитетот „Св. Кирил и Методиј“ во Скопје каде ги завршува и последипломските студии од областа менаџмент на бизнис администрација (MBA). Поседува уверение за работа со хартии од вредност и дозвола за работење на инвестиционен советник, издадени од КХВ. Од 2001 година работел како специјалист за документарно работење во платен промет со странство во Секторот за девизно работење на НЛБ Тутунска Банка АД Скопје. Од 01.06.2008 година непрекинато ја извршува функцијата Главен извршен директор на Друштвото за управување.

Весна Каркинска, Извршен директор

Родена е на 23.08.1979 година. Дипломирала на Економскиот факултет на Универзитетот „Св. Кирил и Методиј” во Скопје, а потоа постдипломските студии завршува на Institute de la Francophonie pour administration et la Gestation (IFAG) во Софија. Поседува уверение за инвестициско советување издадено од Комисијата за хартии од вредност на Република Македонија. Во периодот од 2003 до 2008 година работела во Силмак, ААГ и во Друштвото за управување со пензиски фондови НЛБ Нов пензиски фонд АД Скопје. Од 2008 е вработена во КД Фондови АД Скопје, на местото портфолио менаџер. Поседува дозвола за работење на инвестициски советник. Од 26.10.2018 година е назначена за Извршен директор и член на одборот на директори.

Одбор на директори

Лука Подлогар - Претседател на Одборот на директори

Дипломирал на Економскиот факултет во Љубљана, а магистрирал на бизнис школата IESE во Барселона. Има повеќе од 15 години искуство во менаџмент, откако прво дипломирал како оперативен менаџер и помошник директор во компанијата за онлајн услуги Parsek. Помеѓу 2006 и 2010 година, беше вработен во Citigroup во Лондон како инвестициски банкар во областа на продажба и преземање и финансирање на компании од индустрискиот и автомобилскиот сектор. Во септември 2010 година, се приклучи кон KD Group како помошник на извршниот директор, каде што беше главно одговорен за областа на корпоративен развој. Во периодот од 2012 до 2022 година ја извршуваше функцијата член и претседател на управниот одбор на компанијата Generali Investments, а во февруари 2023 година го презеде управувањето со компанијата NLB Skladi.

Блаж Брачиќ - Неизвршен член на Одборот на директори

Блаж Брачиќ, роден во 1981 година, дипломирал на економски факултет. За време на студиите на Економскиот факултет во Љубљана и веднаш потоа работи со Катедрата за статистика и бил задолжен за изведување на вежби на студентите. Дипломирал со предметот Управување со фјучерси и фјучерси поврзани со трговски стоки, каде што се занимавал со ефектите што овие деривативни хартии од вредност ги имаат врз севкупниот ризик од диверзифицирано портфолио. За својата теза ја добил и Прешерновата награда. Во 2005 година се приклучува на НЛБ Склади во областа на финансиската анализа и контролата на ризици. Во периодот од 2006 до 2008 година е вработен во компанијата како портфолио менаџер, а во 2009 година го презема раководството на тогаш ново формираниот сектор за маркетинг и продажба. Оваа функција ја извршувал како раководител на сектор, а подоцна и како секторски директор до 2018 година, кога е назначен за член на управниот одбор на компанијата. Во Управниот одбор на НЛБ Склади, е одговорен за индивидуално управување со имотот на клиентите, обезбедување усогласеност со законот во областа на откривање и спречување на перење пари и финансирање тероризам, контрола на ризик, информатичка технологија, развој на производи и услуги, директна продажба на правни и големи институционални инвеститори, меѓународно работење и ширење на работењето на странски пазари, маркетинг, односи со инвеститорите и односи со јавноста. Од јуни 2020 година наваму, е член на Управниот одбор на Словенечката асоцијација на друштвата за управување, која исто така е полноправна членка на Европската асоцијација на друштвата за управување (EFAMA). Блаж е член на Надзорен одбор во Друштво за управување со UCITS фондови KOMBANK INVEST а.д. Белград. На Собранието одржано на 17.05.2024 година, донесена е одлука за именување на неизвршен член на Одборот на директори на Друштвото за управување, со мандат од шест години.

Марјан Кочовски – Неизвршен и независен член на Одборот на директори

Марјан Кочовски, роден 1975 година, дипломиран економист – отсек Финансии и Банкарство. Го започна своето професионално патување во 1999 година како новинар во Стопанската редакција на МРТВ, каде што се фокусираше на економски теми. Бил одговорен за известувањата за состојбите на Македонската берза, вклучувајќи тргување и анализи на пазарните случувања. Во 2002 година, се придружи на НЛБ Банка во секторот за корпоративно банкарство. Во 2007 година беше поставен на раководна позиција во рамките на Деловната мрежа на банката. Во 2015 година беше назначен за директор на регион, позиција која ја задржа до 2023 година, кога стана директор на секторот Деловна мрежа. Покрај тоа, е член на Управниот одбор на Македонското Библиско друштво. На Собранието одржано на 17.05.2024 година, беше донесена одлука за именување на неизвршен и независен член на Одборот на директори на Друштвото за управување, со мандат од шест години.

Понеделник – петок: 08:00 – 16:00 За да не посетите во нашите канцеларии, потребно е да закажете термин на следниов телефон 02 60 90 300.

Нашата мисија е да обезбедиме висококвалитетни, конзистентни и диверзифицирани услуги за управување со средства со фокус на долгорочни приноси. Нашата цел е да им понудиме на нашите клиенти квалитетни инвестиции и приноси согласно на соодветниот ризик. Ние се фокусираме на долгорочните перформанси на нашите инвеститори. Ова ни дава слобода и сила да работиме со максимална посветеност во секое време, да инвестираме во луѓето и технологијата најдобро колку што знаеме и да ги посветиме нашите напори за развој на инвестициски производи и услуги на клиентите со највисоки стандарди. Нашата мисија е да градиме и одржуваме долгорочни односи со нашите инвеститори и да обезбедиме квалитетни приноси, во исто време да се грижиме за нашите вработени и да им дадеме можност да работат со интегритет, креативност и во најдобар интерес на нашите инвеститори и на компанијата.

Пријавете се за е-вести

Доброволно се согласувам, Друштвото за управување со инвестициски фондови НЛБ Фондови АД Скопје, да ги обработува моите лични податоци (име, презиме и e-mail) за цели на информирање на клиентите преку е-пошта (Испраќање на newsletter). Запознаен сум дека мојата согласност можам да ја повлечам во секое време. Согласноста се дава само за наведените цели и наведените категории на лични податоци. Моите податоци можат да бидат обработени единствено од овластените лица на Друштвото и продажните партнери.

Потврдувам дека сум запознаен каде се достапни подетални информации за заштита на личните податоци (во Политиката за приватност). Обработката на наведените категории лични податоци ќе се врши согласно Законот за заштита на личните податоци. Доколку сакате да ја повлечете согласноста, истото можете да го направите со одбирање на полето unsubscribe достапно на меил пораката, по писмен пат на следната адреса : НЛБ Фондови АД Скопје, бул. Партизански одреди бр. 14 А/1-2, 1000 Скопје, со достава на меил на следната адреса: [email protected] или лично на следната адреса: НЛБ Фондови АД Скопје, бул. Партизански одреди бр. 14 А/1-2, 1000 Скопје.

Следете нѐ

За клучните настани можете да се информирате што е можно побрзо преку социјалните мрежи.

Правнo известувањe Предупредување за инвеститорите Автори

Поставки за колачиња Пријави проблем